Kitabları Yandırın!

[Maga Qasımov]

Sosial şəbəkələrdə tez-tez kitab oxumağın vacibliyi haqqında uzun-uzadı monoloqlar, məqalələr görürəm. Müəlliflər odlu-alovlu cümlələrlə gəncləri mütaliəyə çağırırlar. Onlarda kitaba həvəs oyatmağa çalışırlar.

Blogerlər kitabları reklam edirlər, millətin cahillikdən çıxmaq yolunu oxumaqda görürlər.

Yadıma “Bir qalanın sirri” filmində Elşənlə olan epizod düşür. Kitablar Elşənə "Bizi oxumasan daşların, quşların, otların dilini bilməyəcəksən” deyib rişxənd edirlər.

Usta Elşən isə həmin kitabları oxumağa məhkum idi.

Əks halda, sevgilisini, alim-həkim Eldostunu və camaatı xain, zalım, əzazil hökmdarın əlindən qurtara bilməzdi.

Sovet məktəblilərinin qış-yay tətili dövrü üçün hazırlanmış bu filmdə şahlara, krallara, burjua sinfinə qarşı mübarizədən savayı, həm də bir növ kitab oxumağın vacibliyi qabardılır. Beləliklə, milyonlarla insan kitaba aludə olur.

İndi isə bu sözlərimi diqqətlə oxuyun. Üzümü tutub bütün valideynlərə, gənclərə, tələbələrə deyirəm. Əsla oxumayın!

Məbadə əlinizə kitab götürəsiz. Evdə nə kitab var, yığın qutulara tullayın, ya da yaxşı olar ki, ümumiyyətlə, bir yerə toplayıb tonqal qalayasız.

Ya da saxlayın qarajda, bayramlarda kabab bişirəndə, bağda samovar qaynadanda istifadə edərsiz.

Qardaşlar, bacılar, əzizlərim oxumayın, rica edirəm sizdən, diz çöküb yalvarıram, uzaq durun bu xəstəlikdən, bu bəladan, qaçın qurtarın canıvızı, özünüzü bədbəxt etməyin.

Bu ölkədə oxuyan, savad, bilik qazanan, yaxşı mutaliəsi, erudisiyası olan özünü məhkumluğa düçar edir. Yaşamaq, dolanmaq uğrunda mübarizədə uduzmuş, itirmiş olur.

Əvvəla, kitab evdə yer tutur. Bəs xrustal qədəhləri, servizləri, farfordan yemək dəstlərini hara yerləşdirəcəksiz?

İkincisi, pulunuza qənaət etmiş olarsız. Xərcləyin çayxanalara, restoranlara, “Topaz”–da “stavka” verin, onsuz da siz xain saray əhli ilə, sehrbaz vəzirlərlə, əzazil kral və şahlarla mübarizə aparası deyilsiz ki, hələ bir oxumağa vaxt da sərf edəsiz.

Gənc valideyinlərə məsləhətim. Qətiyyən məktəbə qədərki uşaqlarınıza axşamlar nağıl oxumayın.

Əsasən də Dikkensin, Mark Tvenin, Cek Londonun, Jül Vernin, Daniel Defonun, Astrid Lindqrenin, Kir Buluçevun, Şarl Perro və Andersonun kitablarını. Yaxşı olar ki, ümumiyyətlə, bu müəlliflərin kitablarını evə gətirməyəsiniz.

Balalarınızın başını planşetlərlə, cizgi filmləri ilə qatın. Onlara bu kitabları oxusaz, ağıllı, dərrakəli, tərbiyəli, mədəni böyüyəcəklər. Bəsirət gözləri açılacaq. Bu xüsusiyyətlər isə yuxarıda qeyd etdiyim kimi, gələcəkdə bu şəhərdə yaşamağa, həyat sürməyə maneələr yaradacaq.

Mədəni olduqda başqa uşaqlar, bağça və məktəb müəllimələri onları qapazaltı edəcəklər. Övladlarınız özlərinə qapanacaqlar. Tənhalıq hiss edəcəklər.

Yan-yörəsindəki digər aqressiv, tərbiyəsiz, sırtıq uşaqları anlamayacaqlar. Onların arasından ağ qarğa kimi seçiləcəklər.

Yetkinlik dövründə övladlarınızdan Stefan Sveyqi, Şekspiri, Yesenini, Çexovu, Ekzüperini, Kuprini, Dümanı, Balzakı, Sartrı, Nabokovu, Varqas Yosanı, Umberto Ekonun əsərlərini gizlətməyinizi təkid edirəm.

Əks halda, sevgidə yanılacaqlar, dostluqda yanacaqlar. Oğlan, qız, sevgili, dost axtarışında çaşıb qalacaqlar. Saf və bakirə eşqin, sidqi məhəbbətin, səmavi duyğuların yalnız kitab vərəqlərində olduğunu anlayacaqlar.

Azərbaycan cəmiyyəti üzlərinə lopa-lopa “sevgi boş şeydir” sözlərin tüpürəcək. İnsani ünsiyyətin pula, cehizə, nişan üzüyünə, qızın varlı qohumlarına, oğlanın “novostroyka”-da təmirsiz evinə dəyişdirilməsi prosesi bütün çılpaqlığı ilə peyda olacaq.

Sınmış arzular, ağ atlı şahzadə axtarışı, gecələr eyvanın altında serenada eşitmək ümidi puç olacaq.

Qəm, qüssə, təəssüf nəyə lazımdır. Səni anlayan birisini tapmaq çətin olacaq.

Tanışlıq alınmayacaq. Prustu, Kafkanı oxuyan qız beynində yalnız maşın, “şmotka” olan oğlanla necə təmasda olsun, nə danışsın, nəyi müzakirə etsin?

Beləcə vaxt keçdikcə, mütaliə artdıqca zövq formalaşacaq, hər oğlanı bəyənməyəcək, evdə qalıb qarıyacaq. Olacaq qohum-qonşunun mövzü, qeybət obyekti.

Bu, elə oğlanlara da aiddir. Bilikli, oxumuş, intellektual qız axtarışı ilə gəlib 30-35 yaşa çatacaqsız, xala-bibi arxanızca min bir vedrə qoşacaq. Əsəbləşib sonda ana məsləhət gördüyünü alıb, bir-iki ildən sonra boşayıb özünüzü bədbəxt eləməyin. Atın bu kitab-filan oxumağın daşın. Həyat sizə daha asan görünəcək.

Sonuncu məsləhətim tələbələrədir. Çünki tələbəlik dövründən sonra bu gic xəstəliyə tutulmaq çox çətindir, demək olar ki, mümkünsüzdür. Əsasən özünüzü 25-30 yaşacan oxumaq bəlasından qoruya bilsəniz, daha sizə zaval yoxdur.

Deməli, bilin və agah olun. İlk növbədə Markes, Soljenitsın, Corc Oruel, Struqatski qardaşları, Dovlatov, Rey Bredberi, Limonov, Sorokin, Makiavelli, Çörçelin esseləri, Aytmatov, Milan Kundera... - bu müəllifləri uf demədən yandırın. Alov qüllələri düzəldin bu kitablardan.

Taun xəstəliyindən qorunmağın yolu alov olduğu kimi, bu müəllifləri də odlayarkən yanacağa qənaət etməyin. Əks halda, nəyin baş verəcəyini sizə söyləyim.

Onsuz da bu ölkədə adamsız, qohumsuz, tapışsız, tanışsız iş tapıb karyera qura bilməyəcəksiniz. Oxuduqlarınız yalnız hüzürlərdə, çayxanada boşboğazlıq etməyinizə yarayacaq.

Əvəzində öz dünyanız, öz aləminiz olacaq. Ətrafdakı bəzi insanların danışıqları, hərəkətləri sizi qıcıqlandıracaq. Daha çox tənhalığa can atacaqsınız.

Depressiv, melanxolik, mizantrop olacaqsınız. Bu, hətta antropofobiyaya da çevrilə bilər.

Vicdan, ləyaqət, şərəf, punktuallıq anlayışlarını özünüzdə kəşf edəcəksiniz. Bu xəstəliyin törədə bildiyi ən ağır fəsadlardır. Metastazın sonuncu həddi azadlıq anlamını dərk etməkdir.

Bu andan bəri həqiqət, haqq-ədalət axtarışında olacaqsınız. Doğrusunu dediyinizə görə, haqqınızı tələb edərkən sizə “demaqoq” damğası vurub ələ salacaqlar.

Baş əymək, bel bükmək, itaətkar qul, kölə olmaq sizin üçün qəbuledilməz olacaq. Buna görə iş tapmaq, sosial-məişət problemlərinizi həll etmək çətinləşəcək.

Ömründə bir kitab oxumayıb, fikrini sözlə düzgün ifadə etməyi bacarmayan, onun-bunun hesabına taxta çıxan, minbir hoqqa ilə, kiməsə torba tikməklə vəzifə sahibi olan birisi hər fürsətdə sizi alçaldacaq, aşağılayacaq.

Bu insanlarla siz əsla işləyə bilməyəcəksiniz. Yola verməyi bacarmayacaqsınız. Peşə tapmaq sizin üçün mümkünsüz olacaq.

İnanmıram ki, Dostoyevskini, Hüqonu oxuyan polis əlində dəyənək sıravi vətəndaşı döysün. Sizcə, Bukovskini, Nitsşeni, Bulqakovu mütailə edən şəxs başqasının cibinə nəşə atıb, evindən “molotov kokteyli” tapa bilər?

Ədəbli olub hamı ilə nəzakətlə, səbirli, aşağı səslə danışarkən sizi qorxaq, mülayim bilib üzüvüzə çığıracaqlar, səs ucaldacaqlar, əl-qolnan danışaqcaqlar.

Kitab oxumaq sizi korlayacaq, beyninizi pozacaq. Yaltaqlıq, ikiüzlülük, satqınlıq, sırtıqlıq etməyi bacarmayacaqsınız. Bu isə cəmiyyətimizdə yaşamaq uğrunda mübarizədə ən vacib silahlardandır.

Sivil, müasir olmağınız insanları sizdən uzaqlaşdıracaq.

Sizin qəlbinizdə mərhəmət, insaf hissi peyda olacaq. Bu, faciədir. Siz başqasının uşağının çörəyin əlindən ala bilməyəcəksiniz. Rəisin, komandirin, müdirin, şefin söyüşləri boğazınızdan keçməyəcək.

Qonşular başınıza su axıdıb sizi günahkar edəcəklər, məhlədə maşın saxlamağa yer tapmayacaqsınız, qohumlar sizi fərasətsiz adlandıracaqlar, ziyalılığınız ucbatından bazarda sizi çəkidə aldadacaqlar.

Kitabların gözəgörünməz, mistik qüvvəsi var ki, adəm övladının ruhunu paklaşdırır, yenidən proqramlaşdırır. Oxumağın ən dəyərli bəhrəsi insanlıqdır. Bu ölkədə isə insanlığı qoruyub yaşamaq müşküldür.

O səbəbdən yandırın kitabları, yandırın, yandırın, yandırın...

© Bilal Həsənov

Edited November 30, 2015 by Maga Qasımov

[Museyib Elekber]

Onsuz da belə edirik...

[devotion]

Megale yaxshi sarkazm ehval ruhiyyesinde yazilib.

[Kenul2012]

Acı həqiqət.

[Axadik]

bize kitab ancaq smeckani icine tokub satmaq ucun lazim olub Sivetin vaxtinda bawqa hecne

[Гулливер]

hm..sarkazmli ve acinaqcaqli gorunse de coxu heqiqetdir..cox kitab oxuyub medeni olub qapazalti olmaq..evlenmemek..ve s ve s..

men amma yene de qizima kitab nagil oxumaqdan qalmayacam )))

[Huligan]

Kitablari yandirmak lazim deyir. Hebsxanada oturan insanlara vermek lazimdi. Orda - hebsxanada kompyuter oxtu, otururlav, ve ohuyurlar.

[Alsiona]

dogurdan da terbiyeli uwaglara cemiyetde cetin olur.

[Maga Qasımov]

Kitablari yandirmak lazim deyir. Hebsxanada oturan insanlara vermek lazimdi. Orda - hebsxanada kompyuter oxtu, otururlav, ve ohuyurlar.

Məqalə istehza ilə yazılıb.

[513]

Lenin: oxumaq oxumaq oxumaq

tony blair: education,education, education

konfutsi: oyrendiklerinle deyil,oyrenmediklerine yaratdigin oyrenme  hevesi ile fexr et cunku bu daimidir.

 

bir de erebler: ispaniyanin isgali zamani xelifenin sozleri: orada Qurani inkar eden kitablari yandirin, testiq edenleri de yandirin onsuz da Quranda yazilib... belelikle dunyanin boyuk bir kitabxanasini(yani boyuk bir tarixini) erebler mehvedibler...

 

biz de bu 3 ideologiyadan hansinin tesirine daha cox dusmusukse onlarin da neticelerini yasayiriq.bele de olmalidir.

Edited December 5, 2015 by 513

[513]

bir de bildirmek isteyirem ki bizim millet kitab oxumaq deyerken ya dedektiv romani oxuyacaq ya da mehebbet... inanin ki bu insanin soz bazasinin artmasindan basqa hecneye qulluq etmir..

[Musiqishunas]

Kitabları həbsxanalara vermək lazımdır.

Maklaturaya vermək lazımdır.

Məncə kitabı yandırmaq günah olar.

[Painter]

yazının orijinalını hardan götürmüsüz?

[fikus elastica]

Sonuncu dəfə Əylislinin kitablarını yandırmışdılar(((

[Maga Qasımov]

yazının orijinalını hardan götürmüsüz?

Kitabsevərlər qrupundan köçürmüşəm

[Painter]

Linki bura qoya bilərsiz, pls?

[Nightwatchman]

Kitab oxumaq deyərkən insanlar istənilən kitabı oxumaq kimi başa düşürlər. İndi istənilən insanı saxlasan və kitab oxumağı haqqında soruşsan, deyəcək əlbəttə oxuyuram, hansı kitab olduğunu dəqiqləşdirsən isə, Aclıq oyunları və ya ağlamalı melodramlardan birini deyəcək. Bu kitab oxumaq deyil məncə. Bədii kitabı istəyirsən milyon ədəd oxu, nə xeyri? Söz bazan artır və fantaziyan genişlənir, amma elmi heç bir şey əlda etmirsən. Məncə sənədli, elmi, tarixi kitablar daha faydalıdır. Onlar isə darıxdırıcıdır, indiki dövr üçün.....

 

Ona görə də yandırın...

[Alsiona]

Kitab oxumaq deyərkən insanlar istənilən kitabı oxumaq kimi başa düşürlər. İndi istənilən insanı saxlasan və kitab oxumağı haqqında soruşsan, deyəcək əlbəttə oxuyuram, hansı kitab olduğunu dəqiqləşdirsən isə, Aclıq oyunları və ya ağlamalı melodramlardan birini deyəcək. Bu kitab oxumaq deyil məncə. Bədii kitabı istəyirsən milyon ədəd oxu, nə xeyri? Söz bazan artır və fantaziyan genişlənir, amma elmi heç bir şey əlda etmirsən. Məncə sənədli, elmi, tarixi kitablar daha faydalıdır. Onlar isə darıxdırıcıdır, indiki dövr üçün.....

Ona görə də yandırın...

men sizin fikriviznen razi deyilem. elmi kitab savad uchun , iw uchun , dunya goruwu olsun deye oxuyurlar. amma bedii kitablar insanlari heyati sevmek oyredir. insanlara garwi heyirxaq olmag yolunu gosterir. insancilgi oyredir. gelbimizle , fikrimizle temiz olmag oyredir. mence bu xusiyetler daha onemlidir gencler ucun.

[Nightwatchman]

men sizin fikriviznen razi deyilem. elmi kitab savad uchun , iw uchun , dunya goruwu olsun deye oxuyurlar. amma bedii kitablar insanlari heyati sevmek oyredir. insanlara garwi heyirxaq olmag yolunu gosterir. insancilgi oyredir. gelbimizle , fikrimizle temiz olmag oyredir. mence bu xusiyetler daha onemlidir gencler ucun.

 

Fikrinizə hörmət edirəm, amma mən təkcə elmi kitabları vurğulamadım, sənədli, tarixi kitablar da var, avtobioqrafiyalar var, insanların həyatından bəhs edən tarixi kitablar var, orda siz dediyiniz hər şey tapmaq olar. Bədii kitab hər hansı bir insanın düşüncəsi, fantaziyasıdır, onlarda olan məntiq, balaca bir çərçivəyə sığır, bu çərçivəni aşmaq lazımdır. Amma yenə də hər kəsin öz seçimi var...

[DRONGO-058]

Gunumuzun realligidi butun bu meqale. ACI HEQIQET!!! Eslinde bu oze de bir tebligat metodudur...

[ali_pasha]

В 30.11.2015 в 16:47, Maga Qasımov сказал:

Sosial şəbəkələrdə tez-tez kitab oxumağın vacibliyi haqqında uzun-uzadı monoloqlar, məqalələr görürəm. Müəlliflər odlu-alovlu cümlələrlə gəncləri mütaliəyə çağırırlar. Onlarda kitaba həvəs oyatmağa çalışırlar.

Blogerlər kitabları reklam edirlər, millətin cahillikdən çıxmaq yolunu oxumaqda görürlər.

Yadıma “Bir qalanın sirri” filmində Elşənlə olan epizod düşür. Kitablar Elşənə "Bizi oxumasan daşların, quşların, otların dilini bilməyəcəksən” deyib rişxənd edirlər.

Usta Elşən isə həmin kitabları oxumağa məhkum idi.

Əks halda, sevgilisini, alim-həkim Eldostunu və camaatı xain, zalım, əzazil hökmdarın əlindən qurtara bilməzdi.

Sovet məktəblilərinin qış-yay tətili dövrü üçün hazırlanmış bu filmdə şahlara, krallara, burjua sinfinə qarşı mübarizədən savayı, həm də bir növ kitab oxumağın vacibliyi qabardılır. Beləliklə, milyonlarla insan kitaba aludə olur.

İndi isə bu sözlərimi diqqətlə oxuyun. Üzümü tutub bütün valideynlərə, gənclərə, tələbələrə deyirəm. Əsla oxumayın!

Məbadə əlinizə kitab götürəsiz. Evdə nə kitab var, yığın qutulara tullayın, ya da yaxşı olar ki, ümumiyyətlə, bir yerə toplayıb tonqal qalayasız.

Ya da saxlayın qarajda, bayramlarda kabab bişirəndə, bağda samovar qaynadanda istifadə edərsiz.

Qardaşlar, bacılar, əzizlərim oxumayın, rica edirəm sizdən, diz çöküb yalvarıram, uzaq durun bu xəstəlikdən, bu bəladan, qaçın qurtarın canıvızı, özünüzü bədbəxt etməyin.

Bu ölkədə oxuyan, savad, bilik qazanan, yaxşı mutaliəsi, erudisiyası olan özünü məhkumluğa düçar edir. Yaşamaq, dolanmaq uğrunda mübarizədə uduzmuş, itirmiş olur.

Əvvəla, kitab evdə yer tutur. Bəs xrustal qədəhləri, servizləri, farfordan yemək dəstlərini hara yerləşdirəcəksiz?

İkincisi, pulunuza qənaət etmiş olarsız. Xərcləyin çayxanalara, restoranlara, “Topaz”–da “stavka” verin, onsuz da siz xain saray əhli ilə, sehrbaz vəzirlərlə, əzazil kral və şahlarla mübarizə aparası deyilsiz ki, hələ bir oxumağa vaxt da sərf edəsiz.

Gənc valideyinlərə məsləhətim. Qətiyyən məktəbə qədərki uşaqlarınıza axşamlar nağıl oxumayın.

Əsasən də Dikkensin, Mark Tvenin, Cek Londonun, Jül Vernin, Daniel Defonun, Astrid Lindqrenin, Kir Buluçevun, Şarl Perro və Andersonun kitablarını. Yaxşı olar ki, ümumiyyətlə, bu müəlliflərin kitablarını evə gətirməyəsiniz.

Balalarınızın başını planşetlərlə, cizgi filmləri ilə qatın. Onlara bu kitabları oxusaz, ağıllı, dərrakəli, tərbiyəli, mədəni böyüyəcəklər. Bəsirət gözləri açılacaq. Bu xüsusiyyətlər isə yuxarıda qeyd etdiyim kimi, gələcəkdə bu şəhərdə yaşamağa, həyat sürməyə maneələr yaradacaq.

Mədəni olduqda başqa uşaqlar, bağça və məktəb müəllimələri onları qapazaltı edəcəklər. Övladlarınız özlərinə qapanacaqlar. Tənhalıq hiss edəcəklər.

Yan-yörəsindəki digər aqressiv, tərbiyəsiz, sırtıq uşaqları anlamayacaqlar. Onların arasından ağ qarğa kimi seçiləcəklər.

Yetkinlik dövründə övladlarınızdan Stefan Sveyqi, Şekspiri, Yesenini, Çexovu, Ekzüperini, Kuprini, Dümanı, Balzakı, Sartrı, Nabokovu, Varqas Yosanı, Umberto Ekonun əsərlərini gizlətməyinizi təkid edirəm.

Əks halda, sevgidə yanılacaqlar, dostluqda yanacaqlar. Oğlan, qız, sevgili, dost axtarışında çaşıb qalacaqlar. Saf və bakirə eşqin, sidqi məhəbbətin, səmavi duyğuların yalnız kitab vərəqlərində olduğunu anlayacaqlar.

Azərbaycan cəmiyyəti üzlərinə lopa-lopa “sevgi boş şeydir” sözlərin tüpürəcək. İnsani ünsiyyətin pula, cehizə, nişan üzüyünə, qızın varlı qohumlarına, oğlanın “novostroyka”-da təmirsiz evinə dəyişdirilməsi prosesi bütün çılpaqlığı ilə peyda olacaq.

Sınmış arzular, ağ atlı şahzadə axtarışı, gecələr eyvanın altında serenada eşitmək ümidi puç olacaq.

Qəm, qüssə, təəssüf nəyə lazımdır. Səni anlayan birisini tapmaq çətin olacaq.

Tanışlıq alınmayacaq. Prustu, Kafkanı oxuyan qız beynində yalnız maşın, “şmotka” olan oğlanla necə təmasda olsun, nə danışsın, nəyi müzakirə etsin?

Beləcə vaxt keçdikcə, mütaliə artdıqca zövq formalaşacaq, hər oğlanı bəyənməyəcək, evdə qalıb qarıyacaq. Olacaq qohum-qonşunun mövzü, qeybət obyekti.

Bu, elə oğlanlara da aiddir. Bilikli, oxumuş, intellektual qız axtarışı ilə gəlib 30-35 yaşa çatacaqsız, xala-bibi arxanızca min bir vedrə qoşacaq. Əsəbləşib sonda ana məsləhət gördüyünü alıb, bir-iki ildən sonra boşayıb özünüzü bədbəxt eləməyin. Atın bu kitab-filan oxumağın daşın. Həyat sizə daha asan görünəcək.

Sonuncu məsləhətim tələbələrədir. Çünki tələbəlik dövründən sonra bu gic xəstəliyə tutulmaq çox çətindir, demək olar ki, mümkünsüzdür. Əsasən özünüzü 25-30 yaşacan oxumaq bəlasından qoruya bilsəniz, daha sizə zaval yoxdur.

Deməli, bilin və agah olun. İlk növbədə Markes, Soljenitsın, Corc Oruel, Struqatski qardaşları, Dovlatov, Rey Bredberi, Limonov, Sorokin, Makiavelli, Çörçelin esseləri, Aytmatov, Milan Kundera... - bu müəllifləri uf demədən yandırın. Alov qüllələri düzəldin bu kitablardan.

Taun xəstəliyindən qorunmağın yolu alov olduğu kimi, bu müəllifləri də odlayarkən yanacağa qənaət etməyin. Əks halda, nəyin baş verəcəyini sizə söyləyim.

Onsuz da bu ölkədə adamsız, qohumsuz, tapışsız, tanışsız iş tapıb karyera qura bilməyəcəksiniz. Oxuduqlarınız yalnız hüzürlərdə, çayxanada boşboğazlıq etməyinizə yarayacaq.

Əvəzində öz dünyanız, öz aləminiz olacaq. Ətrafdakı bəzi insanların danışıqları, hərəkətləri sizi qıcıqlandıracaq. Daha çox tənhalığa can atacaqsınız.

Depressiv, melanxolik, mizantrop olacaqsınız. Bu, hətta antropofobiyaya da çevrilə bilər.

Vicdan, ləyaqət, şərəf, punktuallıq anlayışlarını özünüzdə kəşf edəcəksiniz. Bu xəstəliyin törədə bildiyi ən ağır fəsadlardır. Metastazın sonuncu həddi azadlıq anlamını dərk etməkdir.

Bu andan bəri həqiqət, haqq-ədalət axtarışında olacaqsınız. Doğrusunu dediyinizə görə, haqqınızı tələb edərkən sizə “demaqoq” damğası vurub ələ salacaqlar.

Baş əymək, bel bükmək, itaətkar qul, kölə olmaq sizin üçün qəbuledilməz olacaq. Buna görə iş tapmaq, sosial-məişət problemlərinizi həll etmək çətinləşəcək.

Ömründə bir kitab oxumayıb, fikrini sözlə düzgün ifadə etməyi bacarmayan, onun-bunun hesabına taxta çıxan, minbir hoqqa ilə, kiməsə torba tikməklə vəzifə sahibi olan birisi hər fürsətdə sizi alçaldacaq, aşağılayacaq.

Bu insanlarla siz əsla işləyə bilməyəcəksiniz. Yola verməyi bacarmayacaqsınız. Peşə tapmaq sizin üçün mümkünsüz olacaq.

İnanmıram ki, Dostoyevskini, Hüqonu oxuyan polis əlində dəyənək sıravi vətəndaşı döysün. Sizcə, Bukovskini, Nitsşeni, Bulqakovu mütailə edən şəxs başqasının cibinə nəşə atıb, evindən “molotov kokteyli” tapa bilər?

Ədəbli olub hamı ilə nəzakətlə, səbirli, aşağı səslə danışarkən sizi qorxaq, mülayim bilib üzüvüzə çığıracaqlar, səs ucaldacaqlar, əl-qolnan danışaqcaqlar.

Kitab oxumaq sizi korlayacaq, beyninizi pozacaq. Yaltaqlıq, ikiüzlülük, satqınlıq, sırtıqlıq etməyi bacarmayacaqsınız. Bu isə cəmiyyətimizdə yaşamaq uğrunda mübarizədə ən vacib silahlardandır.

Sivil, müasir olmağınız insanları sizdən uzaqlaşdıracaq.

Sizin qəlbinizdə mərhəmət, insaf hissi peyda olacaq. Bu, faciədir. Siz başqasının uşağının çörəyin əlindən ala bilməyəcəksiniz. Rəisin, komandirin, müdirin, şefin söyüşləri boğazınızdan keçməyəcək.

Qonşular başınıza su axıdıb sizi günahkar edəcəklər, məhlədə maşın saxlamağa yer tapmayacaqsınız, qohumlar sizi fərasətsiz adlandıracaqlar, ziyalılığınız ucbatından bazarda sizi çəkidə aldadacaqlar.

Kitabların gözəgörünməz, mistik qüvvəsi var ki, adəm övladının ruhunu paklaşdırır, yenidən proqramlaşdırır. Oxumağın ən dəyərli bəhrəsi insanlıqdır. Bu ölkədə isə insanlığı qoruyub yaşamaq müşküldür.

O səbəbdən yandırın kitabları, yandırın, yandırın, yandırın...

Bilal Həsənov

Gozel sozlerdir.

[Kenul2012]

2 часа назад, ali_pasha сказал:

Gozel sozlerdir.

 

overquote.

 

 bu uzunluqda postu quote etməyin.Zəhmət olmasa ,onu qısaldın,hansı cümlə ,abzas lazımdırsa saxlayın,qalanını silin.Təsəvvür edin,bir mövzuda bu cür uzun postu 5 yuzer quote etsə,mövzu nə hala düşər.

[FaridaM]

Sarkazmı gözəl ifadə edib.

[Happy_7]

Sadalanan yazicilarin esrlerini yaxsi tercumede tapmaq olsaydi birde...

[bask]

hec bir planwet kitabi evez etmez/ indi moda cihib elektron kitab